-देवेन्द्र किशोर ढुंगाना, भद्रपुर, झापा
यति खेर वर्ग शत्रुले
आफ्ना लुला हातहरु उठाएर
विस्थापित हाम्रा मनहरुलाई
अपनत्वको तुलोमा राखेर,
सौदावाजी गर्न मोलतोल गर्दैछन्
अब हामी जनताको ढाल बनौं
र वर्ग शत्रुको अचानोमा
आगोका फूलहरुसँग पौठेजोरी खेलौ ।।
हाम्रा दर्बिला पाखुराहरु
तिम्रो पसिनाको काँचो गन्धसँगै
जीवन भोग्न विवश छन्
भोक र युद्धको आगो ओकल्ने आरनबाट
काकाकूल मान्छेहरु
मुक्ति र न्यायको गीत गाउँदै
इस्पाती औजार बनेर उठ
उठ भोकका विरुद्वमा लड्न
दर्बिलो मुठ्ठीहरु इन्कलावको नारासँगै
आफ्नो गुमेको अधिकार खोस्न
प्रताडित मान्छेहरु मोर्चामा लड ।।
संसार वदल्ने राता मान्छेहरु
आज उत्तेलित छन्, अब लामबद्ध भएर
परिवर्तनको आगमनमा जुट,
हेर, सूर्य पनि रातो भएर उदाउदो छ
जीवनका चेतनाहरु रातो छ
हामीले टेकेको माटोले पनि
पसिनाको मिठो गीत गाउँछ
मोरेका हाम्रा जाँगर मात्र होइन
राता मान्छेहरु हुलका हुल बाँधेर
उन्मुक्तीको उद्घोष गर्दैछन्
जित हाम्रो अटल छ
राता जीवनलाई संग्रामी सलाम ।।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies