काठमाडौं : काठमाडौं महानगरपालिकाका मेयर बालेन शाहले कार्यपालिका बैठक बोलाएका छन् । मेयर शाहले शुक्रबार दिउँसो २ बजे बस्ने गरी कार्यपालिका बैठक बोलाएका हुन् ।
कार्यपालिका बैठक बस्नुअघि १२ बजे बजेट स्रोत अनुमान र सीमा निर्धारण समितिको बैठक बस्नेछ ।
महानगरका मेयर शाह र प्रमुख पशासकीय अधिकृतसहित जनप्रतिनिधिबीच विवाद हुँदा ६ महिनादेखि कार्यपालिका बैठक बस्न सकेको थिएन ।
स्थानीय सरकार सञ्चालन ऐनले कार्यपालिका बैठक डाक्ने र त्यसको अध्यक्षता गर्ने जिम्मेवारी मेयरलाई दिएको छ । तर काठमाडौं टावर नक्सा पाससम्बन्धी विवाद उत्कर्षमा पुगेपछि मेयर शाहले गत पुस यता कार्यपालिका बैठक बोलाएका थिएनन् ।
