लक्ष्मण पाण्डे/मध्यान्ह
डडेल्धुरा : रिलायन्स लाइफ इन्स्योरेन्स कम्पनीले बीमित सर्जन विकको परिवारलाई दुई करोड ५० लाख रुपैयाँ मृत्यु दाबी भुक्तानी गरेको छ । बुधबार एक कार्यक्रमका बिच बीमा समितिका अध्यक्ष सूर्यप्रसाद सिलवालले विकको श्रीमती सपना मल्ललाई साढे दुई करोड रुपैयाँको चेक हस्तान्तरण गरेका हुन् । बीमित विकको २०७८ बैशाख २ गते राति ११ बजे सवारी दुर्घटनामा परि उपचारका क्रममा मृत्यु भएको थियो ।
विकले २०७७ फागुन २७ गते एक करोड २० लाख रुपैयाँ बीमाङ्क बरारबरको ‘रिलायन्स सीमित भुक्तानी सावधिक जीवन बीमालेख’ खरिद गरेका थिए । योसँगै विकले ३० लाख रुपैयाँ बीमाङ्क बराबरको टर्म पोलिसी खरिद गरेका थिए । टर्म पोलिसीको दुर्घटना जोखिम बापत ६० लाख रुपैयाँको दाबी प्राप्त गरेका छन् । त्यस्तै एक करोड २० लाख रुपैयाँ बराबरको सावधिक जीवन बीमा बापत एक लाख रुपैयाँ बीमाङ्क र अतिरिक्त जोखिम बहन बापत ७० लाख रुपैयाँसहित उनको परिवारले २ करोड ५० लाख रुपैयाँ दाबी प्राप्त गरेको हो ।
बीमित विकले २० वर्ष अवधि राखेर सावधिक जीवन बीमा योजना खरिद गरेका थिए । उक्त बीमा पोलिसी खरिद गर्ने क्रममा उनले ५ लाख २२ हजार ८८० रुपैयाँ प्रथम बीमा शुल्क भुक्तानी गरेका थिए । त्यस्तै ३० लाख बीमाङ्कको टर्म पोलिसी ५ वर्ष अवधिको खरिद गरेका थिए । यो पोलिसीको प्रथम बीमा शुल्क १० हजार ३५० रुपैयाँ भुक्तानी गरेका थिए । दुई वटा पोलिसीको एकै पटक दाबी भुक्तानी गरिएको हो ।
बीमा समितिका अध्यक्ष सिलवाले कम्पनीहरुले दाबी भुक्तानी गर्दैनन् भन्ने सन्देशलाई चिर्दै समयमै दाबी भुक्तानी गरेकोमा धन्यवाद दिए । सञ्चार माध्यमले सधैँ बीमा कम्पनीहरुलाई दाबी भुक्तानी नगरेको भन्दै आरोप लगाउने गरेको भन्दै सिलवालले सम्पुर्णँ कम्पनीहरुलाई करारअनुसार दाबी भुक्तानी गर्न निर्देशन पनि यसै कार्यक्रमबाट दिएका छन् ।
बीमा कम्पनीहरुले अण्डरराइटिङमा विचार नपु¥याउँदा दाबी भुक्तानीमा समस्या देखिएकाले सम्पुर्ण प्रकृया पुरा गरेर मात्रै बीमा गर्न सिलवालले अनुरोध गरेका छन् । उनले बीमा गराउने अभिकर्ताले बीमितलाई स्पष्टसँग बीमा गर्दा के–के सर्तहरु रहेका छन् र बीमितले पाउने कुराहरु के–के हुन् भनेर अनिवार्य रुपमा जानकारी गराएर बीमा गराउँदा मृत्यु दाबीमा इच्छाएको व्यक्तिलाई आवश्यक कागजात बनाउन गार्हो नहुने बताए । सिलवालले उपलब्ध कागजातको आधारमा एक हप्ता मै मृत्यु दाबी उपलब्ध गराउन सकिने जानकारी दिएका छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies