काठमाडौं : वैदेशिक रोजगारीका लागि गएकामध्ये गत वर्ष १ हजार २ सय ४२ जनाको ज्यान गएको छ । त्यसमा २९ जना महिला रहेका छन् । वैदेशिक रोजगार बोर्डका अनुसार गत वर्ष साउदी अरबमा सबैभन्दा बढी नेपाली कामदारको मृत्यु भएको छ । साउदीमा ३ सय ६० पुरुष र २ महिला गरी ३ सय ६२ जना, मलेसियामा एक महिलासहित २ सय ८० जना, कतारमा २ महिलासहित २ सय ३९ जना कामदारको मृत्यु भएको छ ।
त्यसैगरी बोर्डले अर्को खाडी मुलुक यूएईमा १२ महलिा सहित २ सय ८, कुवेतमा ५५ पुरुष, बहराइनमा ३१ पुरुष, जापानमा ९ जना पुरुष, ओमानमा ७ जना पुरुष, जोर्डनमा ६ पुरुष र मकाउ, रोमानिया, टर्कीमा ३–३ जना कामदारको मृत्यु भएको छ ।
त्यस्तै अफगानिस्तान, अल्जेरिया, चीन, साइप्रस र सेसेल्समा दुई दुई जनाको र युगान्डा, सिंगापुर, पोर्चुगल, पोल्यान्ड, माल्दिभ्स, लेवनान, इजराय र ब्रुनाईमा एक एक जना कामदारको मृत्यु भएकोे बोर्डले जनाएको छ ।
जिल्लागत रुपमा हेर्दा सबैभन्दा बढी मोरङ त्यसपछि क्रमशः धनुषा, सिराह, महोत्तरी, झापा, स्याङ्जा, सप्तरी, सुनसरी नवलपरासी, चितवन, दाङ र कास्की जिल्लाबाट गएका कामदारले ज्यान गुमाएका छन् । बोर्डले वैदेशिक रोजगारीका क्रममा गत वर्ष मृत्यु भएका १ हजार २ सय ४३ जनाका परिवारलाई ७३ करोड ७७ लाख १५ हजार रूपैयाँ आर्थिक सहायता प्रदान गरेको बताएको छ । उक्त अवधिमा अंगभंग, गम्भीर बिरामी भएर फर्किएका १ सय ४३ जना कामदारले ७ करोड ३३ लाख २ हजार २ सय रूपैयाँ आर्थिक सहायता पाएका छन् ।
बोर्डले विदेशमा मृत्यु भएका कामदारको शव विमानस्थलदेखि घरसम्म पुर्याइदिने गरेको छ । त्यसका लागि १७ लाख ९४ हजार ९ सय ७६ रूपैयाँ खर्च भएको बोर्डको भनाइ छ । बोर्डले वैदेशिक रोजगारीका क्रममा मृत्यु भएका १ सय २२ कामदारको शव झिकाउने क्रममा करिब एक करोड खर्च भएको जनाएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies