काठमाडौं : गीतकार इन्दिरा चेम्जोङको ‘एकलौटी बजार’ बोलको नयाँ गीत भिडियोसहित सार्वजनिक भएको छ । नेपालको पुर्वी धनकुटा जिल्ला, चौबिसे राजारानीमा जन्मिएकी गीतकार इन्दिरा चेम्जोङ नेपाली सांगीतिक आकासका गीति लेखनमा एक सशक्त नारी हस्ताक्षर हुन् ।
उनले यसअघि पनि ‘अर्को जन्म’ बोलको एल्बमका साथै नेपाली तथा लिम्बु भाषी गरी धेरै गीतहरु सांगीतिक बजारमा स्रोता, दर्शक सामु पस्किसकेकी छन् । गीतकार चेम्जोङले न्युयोर्क अमेरिकाको प्रवास बसाईमा रहँदै बजारमा ल्याएको उक्त ‘अर्को जन्म’ एल्बमले धेरै स्रोता दर्शकहरुको मन जित्न सफल भएर माया पाएको थियो ।
‘एकलौटी बजार’ मा बाबुल गिरीको संगीत तथा एरेन्ज र गायक आभास क्षेत्रीको आवाज रहेको छ भने सम्पादन विश्व भण्डारीको रहेको छ । इन्दिरा चेम्जोङ नामक अफिसयल युट्युब च्यानलबाट बजारमा सार्बजनिक भएको ‘एकलौटी बजार’ बोलको भिडियोसहितको प्रेमील बियोगान्त गीतले पनि आम स्रोता, दर्शकको मन जित्न सफल हुनेछ भन्ने कुरामा विस्वास रहेको उनले बताएकी छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies