काठमाडौं : राष्ट्रिय स्वतन्त्र पार्टी (रास्वपा)का सभापति रवि लामिछाने नख्खु कारागार फर्किएका छन् । उनी कागजी प्रक्रिया पूरा गरेर कारागार फर्किएका हुन् ।
रवि फर्किएपछि कारागारमा हुन सक्ने सुरक्षा जोखिमलाई ख्याल गरेर सशस्त्र प्रहरी बलले सुरक्षा दिने भएको छ । जेनजी प्रदर्शन उग्र बनेपछि लामिछाने नख्खु कारागारबाट बाहिरिएका थिए । पार्टीका कार्यकर्ता र नेताहरूले उनलाई कारागारबाट निकालेका थिए ।
तर, प्रदर्शनका क्रममा निस्किएको भनेर आलोचना भएपछि लामिछानेले शनिबार दिउँसो आफू कारागार फर्किन लागेको फेसबुकमार्फत जानकारी दिएका थिए । साँझ ५ बजेतिर कारागार पुगे ।
रास्वपाका नेताहरूका अनुसार कागजी प्रक्रिया पूरा भएसँगै लामिछाने कारागारमा बस्न थालेका छन् ।
.jpg)
