काठमाडौँ : बैतडीको दोगडाकेदार गाउँपालिकाको सलसेनामा पहिरो खस्दा महाकाली राजमार्ग अवरुद्ध भएको छ ।
सोमबार राति परेको निरन्तर वर्षाले मंगलबार बिहान सवा ९ बजेतिर सडकमाथिबाट पहिरो खस्दा महाकाली राजमार्गको सतबाँझ-गोकुलेश्वर सडक खण्ड अन्तर्गत सलसेनामा पहिरो खसेपछि राजमार्ग अवरुद्ध भएका हुन् ।
जिल्ला प्रहरी कार्यालय बैतडीका अनुसार राजमार्ग अवरुद्ध भएपछि दार्चुलाबाट विभिन्न जिल्लाका लागि छुटेका गाडी र तराईबाट दार्चुलाका लागि छुटेका रात्रिकालीन गाडीहरू बीचबाटोमै रोकिएका छन् । यस्तै बैतडीबाट गोकुलेश्वरका लागि र गोकुलेश्वरबाट बैतडीका लागि छुटेका गाडी पनि बीचबाटोमै रोकिएका छन् ।
राजमार्गमा खसेको पहिरो सफा गर्नका लागि दोगडाकेदार गाउँपालिका र सडक डिभिजन कार्यालय बैतडीसँग समन्वय भइरहेको प्रहरीले जनाएको छ ।
.jpeg)
