दिपेन्द्र श्रेष्ठ/मध्यान्ह
काठमाडौं : नबिल बैंकद्वारा नेपालमै पहिलोपल्ट सामाजिक उद्यमशीलता विकास कार्यक्रम त्रिभुवन विश्वविद्यालयको व्यबस्थापन संकायको स्कुल अफ म्यानेजमेन्ट सँग सम्झौता गरी आज एक कार्यक्रम बीच उद्घाटन गरेको छ । सो कार्यक्रम सातै प्रदेशमा सुरुहुने बैंकले जनाएको छ ।
बैंकका अध्यक्ष उपेन्द्र पौड्यालले समाजमा उद्यमशिलताको माध्यमबाट सामाजिक समस्याको दीर्घकालिन समाधान गर्ने हेतुले उद्यमलाई प्रबद्र्धन गर्दै आर्थिक सामाजिक रुपान्तरणलाई बढावा दिनका लागि सो कार्यक्रम सुरु गरिएको बताए ।
पौड्यालका अनुसार स्थानीय समुदायको सामाजिक उद्यम क्षमता र नेतृत्व विकासका लागि आवश्यक सिप तथा वित्तिय सहयोग उपलब्ध गराई सामाजिक उद्यमको प्रबद्र्धन गर्ने उद्येश्य बैंकले राखेको छ । हाललाई सामाजिक उद्यमशीलतामा प्रमाण पत्र कार्यक्रम र फेलोशिप कार्यक्रम गरी दुई किसिमका कार्यक्रम तय गरिएको उनको भनाई छ ।
सम्झौता पश्चात सुरुवाती चरणमा सामाजिक उद्यमशीलतामा प्रमाण पत्र कार्यक्रमलाई कार्यान्वयनमा ल्याउन बैंकले सातै प्रदेशका सातै स्कुल, कलेज तथा विश्वविद्यालयहरु सँग सम्झौता गरेको छ । सम्झौता गरिएका स्कुल, कलेज तथा विश्वविद्यालयहरु प्रदेश १ मा महेन्द्र मोरङ्ग आदर्श मल्टिपल क्याम्पस, प्रदेश २ मा बिरगंज पब्लिक कलेज, वाग्मती प्रदेशमा क्याम्पियन कलेज, गण्डकी प्रदेशमा फ्याकल्टी अफ ह्युमानिटिज एण्ड सोसल साईन्स (पोखरा विश्वविद्यालय), लुम्विनी प्रदेशमा क्षितिज ईन्टरनेशनल कलेज, कर्णाली प्रदेशमा सुर्खेत मोडल कलेज र सुदुर पश्चिमाअञ्चलमा सुदुर पश्चिमाअञ्चल एकेडेमी रहेका छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies