तेजबहादुर बन/मध्यान्ह
इटहरी : नेपाल कम्युनिष्ट पार्टी समाजवादीको प्रथम प्रदेशस्तरीय प्रशिक्षण इटहरीमा हुने भएको छ ।
प्रदेश एकको इटहरीमा आगामी मंसिर २१ र २२ गते प्रदेश स्तरीय प्रशिक्षण कार्यक्रम हुन लागेको हो । एमालेबाट विभाजन भइ गठन भएको नेकपा समाजवादीले आइतबार इटहरीमा पत्रकार सम्मेलनको आयोजना गर्दै कार्यक्रमबारे जानकारी गराएको छ ।
दुई दिनसम्म चल्ने प्रशिक्षण कार्यक्रममा पार्टीका केन्द्रीय अध्यक्ष तथा पूर्वप्रधानमन्त्री माधव कुमार नेपालले सम्बोधन गर्ने र उपस्थित कार्यकर्ताहरूलाइ प्रशिक्षण दिने पत्रकार सम्मेलनमा जानकारी गराइएको छ । सँगसँगै प्रदेश एकका मुख्यमन्त्री राजेन्द्र राइले पनि कार्यक्रमलाई सम्बोधन गर्ने कार्यक्रम रहेको छ । भेलामा पार्टी सुदृढिकरण र विस्तारका लागि अगुवा कार्यकर्ताहरुलाई प्रशिक्षित गर्ने योजना रहेको जनाइएको छ ।
भेलामा प्रदेश नम्बर १ का १४ जिल्ला र १ महानगरको जिल्ला कमिटीसहित १५ जिल्ला कमिटी पदाधिकारी र जनवर्गीय संगठनका पदाधिकारी तथा प्रदेश कमिटीका सदस्यसहित चार सय ५० जनाले सहभागिता जनाउने जानकारी गराइएको छ । प्रशिक्षण कार्यक्रममा पार्टी सचिव तथा एक नं प्रदेशका मुख्य मन्त्री राजेन्द्र राईले प्रदेश सरकारको अवस्था र कार्य योजनाबारे पहिलो दिन प्रशिक्षित गर्ने कार्यक्रम रहेको छ ।
पत्रकार सम्मेलनमा नेकपा समाजवादी प्रदेश एकका अध्यक्ष तथा केन्द्रीय सदस्य बलदेव चौधरी, पार्टीका केन्द्रीय उपाध्यक्ष घनेन्द्र बस्नेत, प्रदेश सभा सांसद तथा पार्टीका प्रदेश उपाध्यक्ष राजन राई, केन्द्रीय सदस्य केशव बिष्ट लगायतको उपस्थिति रहेको थियो ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies