पुस्तक : प्रयोगशाला
लेखक : सुधीर शर्मा

यो पुस्तक माओवादी विद्रोह र नेपालको राजनीतिक संक्रमणमा दिल्ली (भारत), दरबार र माओवादीको भूमिकाको गहिरो विश्लेषण हो । पुस्तक गोप्य सूचना, अन्तर्वार्ता र यथार्थ घटनाक्रममा आधारित छ । यसले नेपाली राजनीतिमा भारतीय संलग्नताका नखुलेका पर्दा उघारेको छ । सोही कारण चर्चित एवं बेस्टसेलर बनेको छ ।

२०६२/६३ को जनआन्दोलन र लोकतन्त्र बहालीपछिका दुई दशकमा नेपाली साहित्य बजारले उल्लेख्य फड्को मारेको छ । यस अवधिमा आएका बेस्टसेलर पुस्तकले लेखकलाई सेलिब्रिटी मात्र बनाएन्, होलटाइम पनि बनायो । व्यावसायिक प्रकाशन गृहको उदय, सामाजिक सञ्जाल र ई–मार्केटिङले समग्र पठन संस्कृतिकै विस्तार गरिदिएको छ । मध्यान्हले प्रकाशक गृह, लेखक, विक्रेता एवं समीक्षकबाट प्राप्त सूचना विश्लेषण गरी दुई दशक (२०६२–०८२)का बेस्टसेलर २० पुस्तकको सूची तयार पारेको छ ।