पुस्तक : जीवन काँडा कि फूल
लेखक : झमक घिमिरे

यो आत्मकथामा सेरेब्रल पाल्सीबाट पीडित लेखिकाको बाल्यकालदेखिको संघर्ष, सामाजिक बहिष्कार, परिवारको व्यवहार र खुट्टाले लेखेर साहित्य सिर्जनाको प्रेरणादायी कथा छ । सरल भाषा, जीवनप्रतिको आशा र अपांगतामाथि नेपाली समाजको भेदभावपूर्ण व्यवहारको चित्रणले पाठकको मन छुन्छ । यो नेपालको धेरै बिक्री हुने तथा क्लासिक बेस्टसेलर बनेको छ ।

२०६२/६३ को जनआन्दोलन र लोकतन्त्र बहालीपछिका दुई दशकमा नेपाली साहित्य बजारले उल्लेख्य फड्को मारेको छ । यस अवधिमा आएका बेस्टसेलर पुस्तकले लेखकलाई सेलिब्रिटी मात्र बनाएन्, होलटाइम पनि बनायो । व्यावसायिक प्रकाशन गृहको उदय, सामाजिक सञ्जाल र ई–मार्केटिङले समग्र पठन संस्कृतिकै विस्तार गरिदिएको छ । मध्यान्हले प्रकाशक गृह, लेखक, विक्रेता एवं समीक्षकबाट प्राप्त सूचना विश्लेषण गरी दुई दशक (२०६२–०८२)का बेस्टसेलर २० पुस्तकको सूची तयार पारेको छ ।