पुस्तक : पल्पसा क्याफे
लेखक : नारायण वाग्ले

यो उपन्यास माओवादी ‘जनयुद्ध’को पृष्ठभूमिमा पत्रकार सिद्धार्थ र चित्रकार पल्पसाको प्रेमकथामा आधारित छ । यसमा युद्धको क्रुरता, मानवीय सम्बन्ध, पत्रकारिता र समाजको मार्मिक चित्रण गरिएको छ । सरल र जीवन्त भाषा, द्वन्द्वको यथार्थ र रोमाञ्चक प्रेमकथाले यो नेपाली साहित्यको लोकप्रिय उपन्यास बनेको छ ।

२०६२/६३ को जनआन्दोलन र लोकतन्त्र बहालीपछिका दुई दशकमा नेपाली साहित्य बजारले उल्लेख्य फड्को मारेको छ । यस अवधिमा आएका बेस्टसेलर पुस्तकले लेखकलाई सेलिब्रिटी मात्र बनाएन्, होलटाइम पनि बनायो । व्यावसायिक प्रकाशन गृहको उदय, सामाजिक सञ्जाल र ई–मार्केटिङले समग्र पठन संस्कृतिकै विस्तार गरिदिएको छ । मध्यान्हले प्रकाशक गृह, लेखक, विक्रेता एवं समीक्षकबाट प्राप्त सूचना विश्लेषण गरी दुई दशक (२०६२–०८२)का बेस्टसेलर २० पुस्तकको सूची तयार पारेको छ ।