पुस्तक : खुसी
लेखक : विजयकुमार पाण्डे

यो पुस्तक लेखकको व्यक्तिगत जीवनानुभव, राजनीतिक–सामाजिक प्रसंग र जीवनदर्शनको संस्मरण हो । लेखकले पुस्तकको सुरुवात नै आफ्नो अत्यधिक मदिरा सेवनको लतबाट गरेका छन् । सरल–इमानदार भाषा, भावनात्मक गहिराइ र प्रेरणादायी कथाले खुसी बेस्टसेलर बनेको छ ।

२०६२/६३ को जनआन्दोलन र लोकतन्त्र बहालीपछिका दुई दशकमा नेपाली साहित्य बजारले उल्लेख्य फड्को मारेको छ । यस अवधिमा आएका बेस्टसेलर पुस्तकले लेखकलाई सेलिब्रिटी मात्र बनाएन्, होलटाइम पनि बनायो । व्यावसायिक प्रकाशन गृहको उदय, सामाजिक सञ्जाल र ई–मार्केटिङले समग्र पठन संस्कृतिकै विस्तार गरिदिएको छ । मध्यान्हले प्रकाशक गृह, लेखक, विक्रेता एवं समीक्षकबाट प्राप्त सूचना विश्लेषण गरी दुई दशक (२०६२–०८२)का बेस्टसेलर २० पुस्तकको सूची तयार पारेको छ ।