पुस्तक : चिना हराएको मान्छे
लेखक : हरिवंश आचार्य

यो आत्मकथामा लेखकको बाल्यकाल, संघर्षपूर्ण कलाकार जीवन, मह जोडीको सुरुवात, प्रेम–विवाह र पहिलो पत्नी मीराको मृत्युपछिको पीडाको मार्मिक चित्रण छ । हास्य र भावुकताको संयोजन, मौलिक भाषा र जीवनको यथार्थ चित्रणले आमनेपाली पाठकको मन जितेर यो बेस्टसेलर बनेको छ ।

२०६२/६३ को जनआन्दोलन र लोकतन्त्र बहालीपछिका दुई दशकमा नेपाली साहित्य बजारले उल्लेख्य फड्को मारेको छ । यस अवधिमा आएका बेस्टसेलर पुस्तकले लेखकलाई सेलिब्रिटी मात्र बनाएन्, होलटाइम पनि बनायो । व्यावसायिक प्रकाशन गृहको उदय, सामाजिक सञ्जाल र ई–मार्केटिङले समग्र पठन संस्कृतिकै विस्तार गरिदिएको छ । मध्यान्हले प्रकाशक गृह, लेखक, विक्रेता एवं समीक्षकबाट प्राप्त सूचना विश्लेषण गरी दुई दशक (२०६२–०८२)का बेस्टसेलर २० पुस्तकको सूची तयार पारेको छ ।