पुस्तक : अन्तरमनको यात्रा
लेखक : जगदीश घिमिरे

यो आत्मकथामा लेखकको बाल्यकाल, सामाजिक कार्य, जीवन संघर्षसँगै क्यान्सर रोगसँगको लडाइँको मार्मिक वर्णन छ । यो कृतिमा जीवनको गहिरो चिन्तन, सकारात्मकता र आन्तरिक यात्राको भावुक चित्रण छ । सरल भाषा, प्रेरणादायी सन्देश र जीवनको यथार्थले यो नेपालको बेस्टसेलर तथा सदाबहार लोकप्रिय पुस्तक बनेको छ ।

२०६२/६३ को जनआन्दोलन र लोकतन्त्र बहालीपछिका दुई दशकमा नेपाली साहित्य बजारले उल्लेख्य फड्को मारेको छ । यस अवधिमा आएका बेस्टसेलर पुस्तकले लेखकलाई सेलिब्रिटी मात्र बनाएन्, होलटाइम पनि बनायो । व्यावसायिक प्रकाशन गृहको उदय, सामाजिक सञ्जाल र ई–मार्केटिङले समग्र पठन संस्कृतिकै विस्तार गरिदिएको छ । मध्यान्हले प्रकाशक गृह, लेखक, विक्रेता एवं समीक्षकबाट प्राप्त सूचना विश्लेषण गरी दुई दशक (२०६२–०८२)का बेस्टसेलर २० पुस्तकको सूची तयार पारेको छ ।