पुस्तक : विनोद चौधरी
लेखक : विनोद चौधरी

यो सफल व्यवसायी विनोद चौधरीको आत्मकथा पुस्तक हो । यसमा लेखकले आफ्नो बाल्यकाल, पारिवारिक व्यापारका उतारचढाव, वाइवाइ चाउचाउको सफलतासँगै चौधरी ग्रुपको विस्तार र नेपालको पहिलो अर्बपति बन्ने संघर्षपूर्ण यात्रा वर्णन गरेका छन् । राजनीतिक सम्बन्ध, व्यावसायिक जोखिम र सफलताको इमानदार चित्रणले युवा उद्यमीहरूलाई प्रेरित गर्ने यो पुस्तक नेपालको सदाबहार बेस्टसेलर बनेको छ ।

२०६२/६३ को जनआन्दोलन र लोकतन्त्र बहालीपछिका दुई दशकमा नेपाली साहित्य बजारले उल्लेख्य फड्को मारेको छ । यस अवधिमा आएका बेस्टसेलर पुस्तकले लेखकलाई सेलिब्रिटी मात्र बनाएन्, होलटाइम पनि बनायो । व्यावसायिक प्रकाशन गृहको उदय, सामाजिक सञ्जाल र ई–मार्केटिङले समग्र पठन संस्कृतिकै विस्तार गरिदिएको छ । मध्यान्हले प्रकाशक गृह, लेखक, विक्रेता एवं समीक्षकबाट प्राप्त सूचना विश्लेषण गरी दुई दशक (२०६२–०८२)का बेस्टसेलर २० पुस्तकको सूची तयार पारेको छ ।