पुस्तक : संसारलाई साढे पाँच फन्को
लेखक : पुष्कर शाह

यो संस्मरणमा लेखकको ११ वर्षमा साइकलद्वारा विश्वका १ सय ५० बढी देश घुम्दै शान्ति सन्देश फैलाउने रोमाञ्चक यात्राको वर्णन छ । यसमा विभिन्न देशका भिन्न संस्कृति, चुनौती र मानवीय सहयोगको जीवन्त चित्रण गरिएको छ । साहसिक अनुभव, सरल भाषा र प्रेरणादायी सन्देशले नेपाली पाठकले यो पुस्तक रुचाएका छन् । 

२०६२/६३ को जनआन्दोलन र लोकतन्त्र बहालीपछिका दुई दशकमा नेपाली साहित्य बजारले उल्लेख्य फड्को मारेको छ । यस अवधिमा आएका बेस्टसेलर पुस्तकले लेखकलाई सेलिब्रिटी मात्र बनाएन्, होलटाइम पनि बनायो । व्यावसायिक प्रकाशन गृहको उदय, सामाजिक सञ्जाल र ई–मार्केटिङले समग्र पठन संस्कृतिकै विस्तार गरिदिएको छ । मध्यान्हले प्रकाशक गृह, लेखक, विक्रेता एवं समीक्षकबाट प्राप्त सूचना विश्लेषण गरी दुई दशक (२०६२–०८२)का बेस्टसेलर २० पुस्तकको सूची तयार पारेको छ ।