पुस्तक : राधा
लेखक : कृष्ण धारावासी

यो उपन्यासले राधा–कृष्णको प्रेमलाई माध्यम बनाएर प्रेमको दार्शनिक गहिराइ, मानवीय कमजोरी, समाज र धर्मको चित्रण गर्छ । यसमा राधाको मनोवैज्ञानिक यात्रा, कृष्णसँगको सम्बन्ध र जीवनको अर्थको खोजी छ । काव्यात्मक भाषा, गहन दर्शन र नेपाली साहित्यमा नौलो शैलीले यो पुस्तक बेस्टसेलर बनेको छ ।

२०६२/६३ को जनआन्दोलन र लोकतन्त्र बहालीपछिका दुई दशकमा नेपाली साहित्य बजारले उल्लेख्य फड्को मारेको छ । यस अवधिमा आएका बेस्टसेलर पुस्तकले लेखकलाई सेलिब्रिटी मात्र बनाएन्, होलटाइम पनि बनायो । व्यावसायिक प्रकाशन गृहको उदय, सामाजिक सञ्जाल र ई–मार्केटिङले समग्र पठन संस्कृतिकै विस्तार गरिदिएको छ । मध्यान्हले प्रकाशक गृह, लेखक, विक्रेता एवं समीक्षकबाट प्राप्त सूचना विश्लेषण गरी दुई दशक (२०६२–०८२)का बेस्टसेलर २० पुस्तकको सूची तयार पारेको छ ।