काठमाडौं :  विश्वव्यापी घरायसी मनोरञ्जन तथा विद्युतीय सामग्री ब्रान्ड टीसीएलले एयर कन्डिसनर व्यवसायमा महत्वपूर्ण उपलब्धि हासिल गरेको छ । फ्रस्ट एन्ड सुलिभानद्वारा जारी बजार अवस्था विवरणअनुसार सन् २०२१ देखि सन् २०२६ को पहिलो त्रैमासिकसम्म टीसीएल एयर कन्डिसनरको विश्वव्यापी सञ्चित बिक्री १० करोड युनिटभन्दा बढी पुगेको छ ।

सन् २०२६ जुनमा जारी गरिएको उक्त बजार अवस्था विवरण विश्वको एयर कन्डिसनर बजारसम्बन्धी व्यापक अनुसन्धानमा आधारित रहेको जनाइएको छ । फ्रस्ट एन्ड सुलिभानले टीसीएलको विश्वव्यापी बिक्री उपलब्धिलाई प्रमाणित गरेसँगै विश्व एयर कन्डिसनर बजारमा कम्पनीको बढ्दो उपस्थिति, उपभोक्ता स्वीकार्यता तथा ब्रान्डप्रतिको विश्वास थप बलियो भएको टीसीएलले जनाएको छ ।

चीनको एयर कन्डिसनर निर्यातमा टीसीएल दोस्रो
एयर कन्डिसनर निर्याततर्फ पनि टीसीएलले उल्लेखनीय उपलब्धि हासिल गरेको छ । चाइना आईओएलको तथ्यांकअनुसार सन् २०२४ मा टीसीएलले चीनमा १ करोड ९१ लाख ७० हजार युनिट घरेलु एयर कन्डिसनर उत्पादन गरेको थियो । यससँगै कम्पनी उत्पादनका आधारमा चीनको एयर कन्डिसनर उद्योगका शीर्ष तीन कम्पनीमध्ये परेको छ ।

सोही अवधिमा टीसीएलको एयर कन्डिसनर निर्यात १ करोड ३८ लाख १० हजार युनिट पुगेको थियो । यससँगै चीनबाट हुने एयर कन्डिसनर निर्यातमा टीसीएल दोस्रो स्थानमा रहेको तथ्यांकले देखाएको छ । चीनका शीर्ष तीन एयर कन्डिसनर निर्यातकर्तामध्ये टीसीएलले सबैभन्दा उच्च निर्यात वृद्धि दर हासिल गरेको पनि तथ्यांकमा उल्लेख छ ।

प्रविधि र ऊर्जा दक्षतामा निरन्तर लगानी
विश्वका विभिन्न बजारमा टीसीएल एयर कन्डिसनरको उपस्थिति विस्तार भइरहेका बेला कम्पनीले उत्पादन प्रविधि, ऊर्जा दक्षता, स्मार्ट जडान सुविधा तथा प्रयोगकर्तामैत्री सुविधामा निरन्तर लगानी गर्दै आएको जनाएको छ ।

कम्पनीका अनुसार विश्वव्यापी बजारमा हासिल भएका यी उपलब्धिले उत्पादन क्षमता मात्र नभई अनुसन्धान तथा विकास, प्रविधि, आपूर्ति शृङ्खला र अन्तर्राष्ट्रिय बजार विस्तारमा भइरहेको निरन्तर प्रगतिलाई समेत प्रतिबिम्बित गर्छ ।

नेपाली बजारमा पनि टीसीएलको उपस्थिति बलियो
विश्व बजारमा टीसीएल एयर कन्डिसनरले हासिल गरेको उपलब्धिले नेपाली उपभोक्तामाझ पनि ब्रान्डप्रतिको विश्वास थप बलियो हुने अपेक्षा गरिएको छ । नेपालमा टीसीएलले विभिन्न क्षमता तथा सुविधासहितका एयर कन्डिसनर उपलब्ध गराउँदै आएको छ, जसले घरायसी तथा व्यावसायिक प्रयोगकर्ताका फरक–फरक आवश्यकतालाई सम्बोधन गर्दै आएको छ ।

विश्वव्यापी रूपमा स्थापित उत्पादन क्षमता, निरन्तर प्रविधिगत विकास र अन्तर्राष्ट्रिय बजारमा बढ्दो उपस्थितिका आधारमा टीसीएलले नेपाली बजारमा समेत आफ्नो एयर कन्डिसनर व्यवसाय थप विस्तार गर्ने लक्ष्य राखेको जनाएको छ ।

नेपालमा टीसीएल घरायसी मनोरञ्जन तथा विद्युतीय सामग्रीको लोकप्रिय ब्रान्डका रूपमा समेत आफ्नो उपस्थिति विस्तार गर्दै आएको छ । विशेषगरी टीसीएलका टेलिभिजन, एयर कन्डिसनर, वासिङ मेसिन, फ्रिज, पानी शुद्धीकरण तथा वितरण उपकरण, संगीत प्रणाली र भीआरएफ प्रणालीलगायतका उत्पादनहरू आधुनिक प्रविधि, आकर्षक डिजाइन, उपयोगी सुविधा तथा प्रतिस्पर्धी मूल्यका कारण नेपाली उपभोक्ताको रोजाइमा पर्दै आएका छन् ।

नेपालमा टीसीएलका उत्पादनहरू सीजी इलेक्ट्रोनिक्समार्फत बिक्री तथा वितरण हुँदै आएका छन् । विभिन्न उत्पादन श्रेणीमा आफ्नो उपस्थिति निरन्तर विस्तार गर्दै टीसीएलले नेपाली बजारमा स्मार्ट, नवीन र भरपर्दो घरायसी मनोरञ्जन तथा विद्युतीय सामग्री उपलब्ध गराउने लक्ष्यका साथ अघि बढिरहेको जनाएको छ ।