दोलखाः बागमती प्रदेश सरकारले पत्रकारको सामाजिक सुरक्षाका लागि ५० लाख रूपैयाँ दिने भएको छ ।
प्रदेशका मुख्यमन्त्री शालिकराम जम्कट्टेलले शुक्रबार नेपाल पत्रकार महासंघ बागमती प्रदेशको साधारण सभालाई दोलखामा सम्बोधन गर्दै पत्रकारको सामाजिक सुरक्षाको लागि प्रदेश सरकारले ५० लाख रूपैयाँ दिने घोषणा गरेका हुन् ।
‘श्रमजीवि पत्रकारहरुको सुरक्षाका लागि प्रदेश सरकार संवेदनशील छ’, सभालाई सम्वोधन गर्दै मुख्यमन्त्री जम्कटेलले भने, ‘त्यसैले श्रमजीवि पत्रकारको सामाजिक सुरक्षा कोषको लागि प्रदेश सरकारले ५० लाख रूपैयाँ दिने घोषणा गर्छु ।’
मुख्यमन्त्री जम्कट्टेलले उल्लेखित रकम अपुग भए अवश्यकताअनुसार बढाइने आश्वासन दिए । नेपाल पत्रकार महासंघ बागमती प्रदेश समितिको तेस्रो साधारण सभा दोलखामा शनिबारसम्म चल्नेछ ।
 9 chait 2079-Nepali_001.jpg)
