एजेन्सी : अमेरिकामा मिल्टन तुफानका कारण हालसम्म १६ जनाको मृत्यु भएको छ । बुधबार आएको उक्त तुफानका कारण १६ जनाले ज्यान गुमाएको अधिकारीहरूले बताएका छन् ।
मृत्यु हुनेको संख्या बढ्न सक्ने सम्भावना रहेको बताइएको छ । फ्लोरिडाको करिब २ हजार मानिस बस्ने एउटा अपार्टमेन्ट कम्प्लेक्सबाट करिब ४ सय जनाको उद्धार गरिएको छ ।
बुधबार आएको मिल्टन आँधीले फ्लोरिडामा क्षति पुर्याएको हो । जसका कारण ३० लाखभन्दा बढी घरको बिजुली काटिएको छ भने पिउने पानीको पनि समस्या भएको छ ।
