काठमाडौँ : नेपाली कांग्रेसले समानुपातिक तर्फको रिक्त गण्डकी प्रदेशसभा सांसद पदमा सुनिता थापालाई पठाउने निर्णय गरेको छ ।
कांग्रेस कार्यसम्पादन समितिको बैठकले रिक्त स्थानमा स्याङ्जाकी थापालाई सिफारिस गर्ने निर्णय भएको प्रवक्ता प्रकाशशरण महतले बताए ।
कांग्रेससबाट समानुपातिक सांसद विमला गौचनको केही समयअघि मृत्यु भएको थियो । गौचनको मृत्युपछि कांग्रेसले समानुपातिकतर्फको रिक्त गण्डकी प्रदेशसभा सांसद पदमा थापालाई पठाउने निर्णय गरेको हो ।
