.jpg)
काठमाडौं : चाइनिज इन्टरप्राइजेज एसोसिएसन अफ नेपालसँगको सहकार्यमा सामाजिक उत्तरदायित्व पहलका लागि हिमालय एयरलाइन्सले २२ जनवरी २०२५ मा प्रयास नेपालका बालबालिकाहरूको निःशुल्क स्वास्थ्य परीक्षण कार्यक्रम सम्पन्न गरेको छ । १६औँ चिनियाँ टोलीले बालबालिकाहरूको शारीरिक अवस्था तथा आवश्यकताहरूलाई ध्यानमा राख्दै उक्त कार्यक्रम गरेको हो ।
चिनियाँ नयाँ वर्षको अवसरमा नेपाल चाइनिज इन्टरप्राइजेज एसोसिएसन अफ नेपालले बालबालिकाका लागि एक वर्षको आपूर्तिसँगै दैनिक अत्यावश्यक किराना, खाजा र अन्य अत्यावश्यक सामग्रीको लागि ६ लाख रुपैयाँ समेत सहयोग गरेका छन् ।
२०१७ देखी प्रयास नेपाल तथा अन्य अनाथालयहरूलाई सहयोग गर्दे हिमालय एयरलाइन्स ‘हामीले गर्ने सबै कुरा सानो योगदान हुन सक्छ तर यी बालबालिकाको निर्दोष मुस्कान र दृढताले हामीलाई अनन्त शक्ति प्रदान गर्दछ, बालबालिकाहरू खुसी तथा स्वस्थ रुपमा हुर्किएको देख्न पाउनु नै हाम्रो लागि सबैभन्दा ठूलो प्रेरणा हो’, कार्यक्रममा हिमालय एयरलाइन्सका अध्यक्ष झो एनयोङले भने ।
२००३ मा स्थापना भएदेखि प्रयास नेपालले विशुद्ध रूपमा अनाथ बालबालिकाहरूको जीवन सुधार गर्न प्रतिबद्ध भई गैर–नाफामुखी र गैर–सरकारी संस्थाको रूपमा काम गर्दै आएको छ । हाल, अनाथालयले १८ बालबालिकाको हेरचाह गर्दे आएको छ ।
