.jpg)
क्वालालम्पुर : नेपाल तामाङ घेदुुङ मलेसियाले सोनाम ल्होछारको अवसरमा क्वालालम्पुरमा सांस्कृतिक कार्यक्रम सम्पन्न गरेको छ ।
‘विश्वभरी छरिएर रहेका तामाङहरु एक हौं, आफ्नो भाषा, धर्म, कला संस्कृतिको जगेर्ना गरौं’ भन्ने मूल नाराका साथ होटल ग्रण्ड कन्टिनेन्टलमा सांस्कृतिक कार्यक्रम सम्पन्न भएको हो ।
नेपाली राष्ट्रिय सांस्कृतिक पर्व मन्जुश्री सम्बत् २८६१ डुल ल्होको अवसरमा आयोजित कार्यक्रम नवनियुक्त राजदूत नेत्रप्रसाद तिमल्सिनाको प्रमुख आतिथ्यता रहेको थियो ।
कार्यक्रममा नेपालबाट आएका गायिका तथा नायिका सुनिता लुङ्बा, सेलो गायक प्रकाश तितुङ, गायक सुवास मोक्तान र स्थानीय कलाकारहरुले प्रस्तुति दिएका थिए ।
कार्यक्रमका प्रमुख अतिथि राजदूत तिमल्सिनाले शुभकामना दिँदै पहिचानको सम्वर्द्धनमा तामाङहरुको एकताको उच्चतम कदर गरेका थिए । उनले नेपाली नागरिकसँग सम्पर्क, सम्बन्ध बढाएर सबैको हकहितको लागि काम गर्ने बताए ।
उनले मलेसियामा रहेका नेपाली श्रमिकलाई राज्यसँग जोडिएको आभास दिलाउने काम गर्ने प्रतिबद्धता जनाए । सबैले आफूले सिकेका सीपलाई नेपालमा लैजाँदै उत्पादनसँग जोड्न उनले आग्रह गरे । कार्यक्रममा स्मारिका तामाङले कार्यक्रम संचालन गरेकी थिइन् ।
