काठमाडौं : पर्सामा कोरोना भाइरस संक्रमणबाट थप एक जनाको मृत्यु भएको छ । योसँगै नेपालमा कोरोना संक्रमणवाट मृत्यु हुनेको संख्या एक सय एक पुगेको छ । मृत्यु हुनेमा वीरगन्ज महानगरपालिका वडा नम्बर १२ मुर्ली घर भएका ६० वर्षीय वृद्ध रहेका छन् ।
नारायणी अस्पताल अस्थायी विषेश कोरोना अस्पताल गण्डकमा उपचारका क्रममा उनको गएराति मृत्यु भएको नारायणी अस्पतालका चिकित्सक उदय नारायण सिंहले जानकारी दिए । मृतक वृद्धका साउन २१ गते कोरोना संक्रमण पुष्टि भएको थियो । ज्वरो र कमजोरीको समस्या देखिएपछि उनी साउन २४ गते अस्पताल भर्ना भएका थिए ।
योसँगै वीरगन्जमा कोरोनाका कारण मृत्यु हुनेको संख्या २६ पुगेको छ । साउनमा मात्रै २२ जनाको मृत्यु भएको छ । वीरगन्जमा अहिलेसम्म कोरोनाका कारण मृत्यु भएका २६ मध्ये पर्साका १९, बाराका ५, रौतहटका १ हुन् । वीरगन्जको घण्टाघरमा वेवारिसे अवस्थामा मृत भेटिएका एक संक्रमित युवकको भने पहिचान खुल्न सकेको छैन ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies