कैलाली : कैलालीको जुगेड अस्थायी प्रहरी पोष्टमा कार्यरत प्रहरी जवान रामबहादुर साउदको पनि शव भेटिएको छ । झण्डै ६० घण्टादेखि वेपत्ता प्रहरी जवान साउदको शव मोहना नदीमा फेला परेको हो ।
बेपत्ता भएदेखि प्रहरीले उनको खोजि कार्य जारी राखेको थियो । प्रहरीका अनुसार साउदको शव मोहना नदीमा असई बिकको शव भेटिएको ठाउँभन्दा करिब २ सय मिटर टाढा भेटिएको छ ।
गत शनिबार राती नियमित गस्तीमा खटिएका बेला अस्थायी प्रहरी पोष्टका इन्चार्ज प्रहरी सहायक निरिक्षक गोविन्द बिक र जवान साउद वेपत्ता भएका थिए । असई बिकको शव आइतबार बिहान नेपाल–भारत सीमास्थित मोहना नदीमा विभत्स हत्या गरेको अवस्थामा फेला परेको थियो ।
सलियापार र बनकट्टीको घाटको बीचमा असइ बिकको शव फेला परेको थियो । प्रहरी जवान साउदको शव भने बिकको शव फेला परेको स्थानबाट दुइ सय मिटर माथि नदीमै फेला परेको हो ।
प्रहरीले बिकको हत्यामा संलग्न गिरोहलाई पक्राउ गरिसकेको जनाएको छ । हत्यामा संलग्न मध्ये केही अझै फरार रहेकोले खोजी तिव्र पारिएको प्रहरीको भनाइ छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies