काठमाडौंः विपक्षी दलहरूकाे अवरोधका कारण प्रतिनिधिसभाको दाेस्रो बैठक पनि स्थगित भएकाे छ।
नेपाल विद्युत प्राधिकरणका कार्यकारी निर्देशक कुलमान घिसिङलाई बर्खास्त गरेकै विषयलाई लिएर विपक्षी दलहरूले प्रतिनिधिसभाको दाेस्रो बैठक पनि अवरोध गरेका हुन् ।
बिहान ११ बजे बोलाइएको बैठक विरोधका कारण आधा घण्टाका लागि स्थगन भएको थियो । बैठक समयमै सुरु हुन नसकेपछि पुनः सूचना टाँस गरी ३ बजेका लागि सारिएको थियो । तर विपक्षी दलका सांसदहरूको विरोधपछि सभा बिहीबारसम्मका लागि स्थगित भएको हो ।
.jpg)
