काठमाडौं : कतार सरकारका विभिन्न मन्त्रालयले कोरोना प्रभावित नेपाली कामदारलाई खाद्यान्न सहयोग गर्ने भएका छन् । गैर आवासीय नेपाली संघ, राष्ट्रिय समन्वय परिषद् कतारका अध्यक्ष मोहम्मद मुक्तदा मुसलमानले कतारको परराष्ट्र मन्त्रालय, श्रम मन्त्रालय र गृह मन्त्रालयले कतारको परोपकारी संस्था कतार च्यारिटी मार्फत विगत देखि नै कतारमा रहेका आप्रवासी समुदायको श्रमिकहरुलाई विभिन्न सहयोग गर्ने कार्यक्रम सार्वजनिक गरेकोे भन्दै उक्त सहयोग लिन कतारमा रहेका नेपालीले एनसीसी कतारमार्फत नेपाली परिवारहरुको विवरण पठाउनुपर्ने बताएका छन् ।
विवरण संकलन कार्य चाँडै शुरु हुने जानकारी दिँदै उनले समस्यामा परेका नेपाली परिवारहरूले आफ्नो आवश्यक विवरण एनसीसी कतारको अफिसियल ईमेल ठेगाना nrnancc.qatar2003@gmail.com मा पठाउन आग्रह गरेका छन् ।
सहयोग प्राप्तका लागि पीडितले आवश्यक विवरण आफ्नो पूरा नाम थर, कतार आईडी नम्बर, परिवारको सदस्या संख्या, कतार आईडीको प्रतिलिपी संलग्न गर्नुपर्ने उल्लेख गरिएको छ । कोरोना संक्रमित र प्रभावितहरूलाई कतार सरकारका विभिन्न निकायले पटक–पटक सहयोग गरेको अध्यक्ष मुसलमानले जानकारी दिए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies