सन्तोश पौडेल/मध्याह्न
खोटाङ : खोटाङको हलेसी तुवाचुङ नगरपालिकाले पाँच शैय्याको अस्थायी कोभिड अस्पताल सचालनमा ल्याएको छ । कोरोना सङ्क्रमितको उपचारको लागि नगरपालिकाले बिहीबारदेखि कोभिड अस्पताल संचालनमा ल्याएको हो ।
बिहीबार एक कार्यक्रमको आयोजना गरि नगरप्रमुख इवन राई र नगरउपप्रमुख बिमला राईले रिवन काटी अस्थायी कोभिड अस्पताल उद्धाटन गरेका हुन् ।
विशेषज्ञ डाक्टरसहितको सेवा प्रवाह गर्नेगरी वडा –५ दुर्छिमस्थित छापडाँडा स्वास्थ्य चौकी भवनमा कोभिड अस्थायी अस्पताल संचालनमा ल्याइएको हलेसी तुवाचुङ नगरपालिकाका प्रमुख राईले मध्यान्हलाई बताए ।
प्रदेश एक सरकारको दस लाख लागतमा स्थापना गरिएको अस्पताल तीन महिनामात्र संचालन हुने हुँदा पनि नगरपालिकाले अस्थायी कोभिड अस्पताललाई निरन्तरता दिने बताएको छ । नगरपालिका भित्रका संक्रमितको कोभिड अस्पतालमा राखेर उपचार गरिने प्रमुख राईले जानकारी दिए । संचालनमा ल्याइएको अस्थायी कोभिड अस्पतालमा विशेषज्ञ डा.कृष्ण राउतसहित दुई जना स्टाफनर्स र एक जना कार्यालय सहयोगीले सेवा दिन थालेका छन् ।
नगरपालिकमै अस्थायी कोभिड अस्पताल संचालन हुँदा कोरोना सङ्क्रमितलाई बाहिर लैजानु पर्ने बाध्यता हटेपछि स्थानीयबासिन्दा हर्षित भएका छन् ।
दश स्थानीय तह रहेको जिल्लामा यसअघि दिप्रुङ चुइचुम्मा गाउँपालिकामा पनि पाँच शैय्याकै अस्थायी कोभिड अस्पताल सञ्चालनमा ल्याइएको थियो ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies