काठमाडौं : गत शुक्रबार राजावादीको प्रदर्शनका क्रममा तीनकुनेमा मारिएका पत्रकार सुरेश रजकको बुधबार पोस्टमार्टम गरिएको छ । त्रिवि शिक्षण अस्पताल महाराजगञ्जमा पोस्टमार्टम भएको हो ।
पोस्टमार्टम रिपोर्ट अनुसार रजकको जलेर मृत्यु भएको पुष्टि भएको छ । उनको शरीरबाट गोली नभेटिएको र मृत्युको कारण जलेर भएको निष्कर्ष निकालिएको चिकित्सकले बताएका छन् ।
रजकको श्वासप्रश्वासको नलीमा धुँवाको मुस्लो गएको देखिएको चिकित्सकको भनाइ छ ।
उनको पोस्टमार्टम नहुँदै उनलाई गोली लागेको भ्रामक हल्ला फैलिएपछि पोस्टमार्टम गर्नुअघि एक्स रे गरिएको थियो ।
राजावादीले आगो लगाएका तीनकुनेस्थित भवनमा रजकको जलेर मृत्यु भएको अवस्थामा शव फेला परेको थियो । त्यस प्रदर्शनका क्रममा कीर्तिपुरमा सविन महर्जनको पनि मृत्यु भएको थियो ।
.jpg)
.jpg)
