काठमाडौं : प्रधानमन्त्री केपी शर्मा ओली र भारतीय सकमक्षी नरेन्द मोदीबीच थाइल्यान्डको बैंककमा भेटवार्ता गरेका छन् ।

शुक्रबार भएको भेटवार्तापछि भारतीय प्रधानमन्त्री मोदीले समकक्षी ओलीसँगको भेटवार्ता फलदायी रहेको प्रतिक्रिया दिएका छन् ।

मोदीले सामाजिक सञ्जालमा नेपाली भाषा प्रयोग गरेर लेख्दै ओलीसँगको भेटवार्ता फलदायी रहेको प्रतिक्रिया दिएका हुन् ।

उनले लेखेका छन्, 'बैंककमा नेपालका प्रधानमन्त्री केपी शर्मा ओलीसँग फलदायी भेट भयो । भारत नेपालसँगको सम्बन्धलाई अत्यन्त महत्त्व दिन्छ ।'

उनले आफूहरूले भारत-नेपाल सम्बन्धका विभिन्न पक्षहरूबारे छलफल गरेको पनि लेखेका छन् । 'विशेषगरी ऊर्जा, दुईदेशीय सम्बन्ध, संस्कृति र डिजिटल प्रविधिजस्ता क्षेत्रमा कुराकानी भए,' मोदीले लेखेका छन् ।

उनले बिमस्टेक शिखर सम्मेलनबाट प्राप्त महत्त्वपूर्ण र सकारात्मक उपलब्धिहरूबारे पनि कुराकानी गरेको जानकारी दिएका छन् ।

बैंककमा प्रधानमन्त्री केपी शर्मा ओलीसँगको भेटघाट फलदायी रह्यो। भारतले नेपालसँगको सम्बन्धलाई ठूलो प्राथमिकता दिएको छ। हामीले भारत-नेपाल मित्रताका विभिन्न पक्षहरू विशेष गरी ऊर्जा, कनेक्टिभिटी, संस्कृति र डिजिटल प्रविधि जस्ता क्षेत्रहरूमा छलफल गर्यौं। हामीले यस वर्षको बिमस्टेक शिखर… pic.twitter.com/QjoP55jOfG

— Narendra Modi (@narendramodi) April 4, 2025