काठमाडौं : हङकङमा हुने चारदेशीय अन्तर्राष्ट्रिय टी ट्वेन्टी सिरिजका लागि नेपाल क्रिकेट संघ (क्यान) ले नेपाली क्रिकेट टोली घोषणा गरेको छ । हङकङमा अप्रिल ९ देखि १३ सम्म सञ्चालन हुने सिरिजका लागि क्यानले रोहित पौडेलको कप्तानीमा १४ सदस्यीय नेपाली टोलीको घोषणा गरेको हो ।
नेपालले पहिलो खेल अप्रिल ९ मा कतारविरुद्ध खेल्ने छ । यस्तै, अप्रिल १० मा कुवेत र अप्रिल १२ मा हङकङसँग खेल्नेछ । अप्रिल १३ मा फाइनल हुनेछ ।
टोलीमा लोकेश बम, बसिर अहमद, नन्दन यादव र शाहव आलम पनि समेटिएका छन् ।
