ललितपुर : प्रथम क्योकुशिन रियो राष्ट्रिय प्रतियोगिता २०२५ मा आईकेओके क्योकुशिनकाई कराते डोजो नखिपोटका साहिर श्रेष्ठले प्रथम स्थान हासिल गरेका छन् ।
इन्टरनेशनल कराते एलायन्स क्योकुशिन रियोको आयोजनामा ललितपुरको नखिपोटमा शनिबार सम्पन्न प्रतियोगितामा श्रेष्ठले खुला तौल समूहमा प्रथम स्थान र उक्त डोजोकै दिनेश बम्जनले दोस्रो स्थान हासिल गरेका हुन् । त्यस्तै पासाङ घलानले तृतीय र प्रशात सुनुवार सान्त्वनामा चित्त बुझाउनु परेको छ ।
महिलातर्फ ३०देखि ३५ केजी तौल समूहमा आईकेओकेकी अञ्जली राईले दोस्रो र रियान्सा बिकले तेस्रो स्थान हासिल प्राप्त गरिन् ।
महिलातर्फकै ३५ देखि ४० तौल समूहमा अम्बिका घिमिरे प्रथम र सुस्मिता विकले सान्त्वना हात पार्न पारिन् । त्यस्तै ४० देखि ४५ के.जी तौल समूहमा अञ्जु श्रेष्ठ, ४५ देखि ५० के.जी. तौल समूहमा जेनिसा विक दोस्रो भइन् ।
महिला खुला तौल समूहमा एलिसा बिक तेस्रो र तायमा बान्तवा राईले चौथौ स्थान हासिल गरिन् ।
पुरुषतर्फ २५ देखि ३० केजी तौल समूहमा रोहिस विक तेस्रो, ३० देखि ३५ मा जेसिस राई प्रथम र सर्वन श्रेष्ठ दोस्रो भए । ३५ देखि ४० केजी तौल समूहमा कृष्ण चौधरी र ५० देखि ४५ करन शाही प्रथम भए भने रामराजा लोप्चनले दोस्रो स्थानमै चित्त बुझाए । ४५ देखि ५० केजी तौल समूहमा सोनाम मोक्तान प्रथम र रेसङ् सुनुवार दोस्रो भए ।
काता प्रतियोगितामा लिसन मगर तेस्रो हुन सफल भए ।
प्रतियोगिता आइकेओके कराते डोजोका २९ जना खेलाडीले भाग लिएको प्रशिक्षक सेन्सेइ समीर श्रेष्ठले जानकारी दिए ।
प्रतियोगितामा ५ वटा संघका ९२ जना खेलाडीहरूले भाग लिएको इन्टरनेशनल कराते एलायन्स क्योकुशिन रियोका अध्यक्ष रितुवर्तन राईले बताए ।
