काठमाडौं : चलचित्र भन्ने वित्तिकै नायकको भूमिकालाई प्रधानरुपमा हेरिन्छ । धेरैजसो सिनेमाले नायक पात्रलाई महत्वपूर्णरुपमा लिएको पाइन्छ । खासगरी महिलाले नायक र पुरुषले नायिकाको भूमिका एवं उनीहरुप्रतिको आर्कषणका कारण फिल्महरु हेर्ने गर्छन् । विगतमा जे जस्तो भएपनि नेपाली सिने जगतमा हिजो–आज एक्सन नायकलाई बढी रुचाइन्छ ।
अहिले जे जति नायकहरु बजारमा बिकेका छन् ति एक्सनकै कारण हुन् भन्दा पनि अतिशोक्ति नहोला । यस्तै एक्सनमा जमेका नायक हुन् प्रवीन एन.वि । लामै समयदेखि चलचित्र क्षेत्रमा सक्रिय उनी जस्तोसुकै भूमिका निर्वाह गर्नसक्ने नायकमा पर्छन् । यद्यपि एक्सनमा उनलाई अलि बढी रुचाइएको पाइन्छ । उनले अभिनय गरेको चलचित्र धनवानलाई एक्सनको हिसावले धेरै नै मन पराइयो । त्यसपछि उनले थुप्रै चलचित्रमा अभिनय गरिसकेका छन् ।
प्रवीन चलचित्रमा आउनु अगाडि मार्सलआर्ट पनि सिकेको बताउँछन् । उनी भन्छन्, ‘मैले मार्सलआर्ट सिकेको सीप अहिले चलचित्रमा काम लागेको छ । चलचित्रमा एउटा नायक धेरै जना फाइटरसँग भिड्न पर्छ । सानो एउटा गल्ती भएपनि द्वन्द्व निर्देशक रिसाउँछन् । फाइटर पनि रिसाउँछन् त्यसैले पनि हरेक कुराको ख्याल गरेर फाइट गर्नुपर्छ ।’
उनी थप भन्छन्, ‘मैले जसरी फाइट गर्नसक्छु, त्यसरी नै अरु भूमिका पनि स्टोरी हेरेर गर्न सक्छु ।’ प्रवीनको यही क्षमताले गर्दा नेपाली चलचित्र निर्माताहरु उनलाई आफनो चलचित्रमा अभिनय गराउन लालाहित हुन्छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies