काठमाडौं : हङकङमा जारी चारदेशीय टी–२०आई प्रतियोगिताको फाइनलमा कुवेतले नेपालाई १७५ रनको लक्ष्य दिएको छ । टस हारेर पहिले ब्याटिङ गरेको कुवेतले निर्धारित २० ओभरमा ७ विकेट गुमाउँदै १७४ रन बनाएको हो ।
कुवेतका लागि रविजा सन्दारुवानले सर्वाधिक ६३ रनको योगदान दिए । ३६ बलको सामना गरेका रविजाले ६ चौका र ४ छक्का प्रहार गरे ।
यस्तै क्लिन्टो एन्टोले २६, उस्मान पटेलले २३ र मिट भावसरले १६ रन जोड्दा कप्तान मोहम्मद असलमले १३ रनमा अविजित रहे ।
नेपालका लागि नन्दन यादव र सोमपाल कामीले समान २-२ तथा कुशल भुर्तेल र करण केसीले समान १-१ विकेट लिए ।
