बिकाश काफ्ले/मध्यान्ह
पाल्पा : जिल्लास्थित माथागढी बहुउद्देश्यीय सहकारी संस्था लिमिटेडले आफ्नो कार्यलाई थप प्रभाकारी बनाउन माथागढी गाउँपालिका १ चिदीपानीमा शाखा कार्यालय खोलेको छ।२०७३ सालमा स्थापना भएको सहकारी पाल्पा माथागढी १ दोहोरा माडि फाँटमा प्रधान कार्यालय रहेको छ ।
एक कार्यक्रमबीच बुधबार प्रमुख अतिथि माथागढी गाउँपालीका १ नम्बर वाडका अध्यक्ष शिव प्रसाद शर्माले सात्दोबाटमा शाखा कार्यालयको उद्घाटन गरे ।
उक्त बहुउद्देश्यीय सहकारीका माध्यमबाट बचत संकलन र ऋण लगानी गर्दै परम्परागत खेती प्रणालीलाई अन्त्य गरेर बैज्ञानिक र आधुनिक खेती प्रणालीको बिकास हुने शर्माले बताए ।
उद्घाटन कार्यक्रममा स्थानीय बासिन्दाका तर्फबाट चेत बहादुर केसी, सम्पूर्ण बिद्यालयको तर्फबाट सौभाग्य मा बिका प्रधानाध्यापक कृष्णप्रसाद खनाल, वाड सदस्यहरूको प्रतिनिधित्व गर्दै हिरा बहादुर रेग्मी, माथागढी गाउँपालिकाका कार्यपालिका सदस्य बिद्या थापालगायतले सहकारीले गरेको प्रगतिको चर्चा गर्दै कोरोना भाइरल कोभिड १९का कारण भएको लकडाउनमा सहकारी स्थानीयका कृषि उपज बिक्री हुन नपाइरहेको र बजार कोटाबाट बाहिर निस्कन नपाइरहेको अबस्थामा पुलको काम गरेको, निम्न आय भएकाको सारथी बन्दै अहिलेको अवस्थामा सहकारीको महत्त्ववारे प्रकाश पारेका थिए ।
उपाध्यक्ष टोपला पाण्डेको स्वागत मन्तव्यबाट सुरू भएको कार्यक्रमको संचालन सदस्य नवराज पन्थीले गरेका थिए । कार्यक्रमों सहकारीका अध्यक्ष राजकुमार पन्थीले गाउँ गाउँमा आएका लघुबित्त बैंकभन्दा सहकारी स्थानीयहरुका लागि फाइदाजनक रहेको भन्दै सहकारीमा भएको फाइदा सदस्यहरूकै हुने र बैंकमा भएको फाइदा संचालनहरूको हुने भएकोले सहकारी संस्थाबाट सक्दो फाइदा लिन आग्रह गरे ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies