काठमाडौं : जनता समाजवादी पार्टी नेपालको कर्णाली प्रदेश समिति गठन भएको छ । पुराना राजनीतिज्ञ देवीकृष्ण न्यौपानेको अध्यक्षतामा गठन भएको सो समितिमा सात उपाध्यक्ष क्रमशः डिलु कुमारी खड्का, लिला सिजापति, लाले कुमाल, रघुविर मिजार, पवित्र शर्मा, प्रेम बोहरा र भरत केसी रहेका छन् भने मुख्य सचिवमा चन्दा विक रहेकी छन् ।
यस्तै समितिको चार सचिवमा छविलाल गौतम, राजेश पुन, सन्तोषी विश्वकर्मा र राजेन्द्र शाही रहेका छन् भने नरेन्द्रबहादुर शाहीलाई कोषाध्यक्षको जिम्मेवारी दिइएको प्रदेश अध्यक्ष न्यौपानेले मध्यान्हलाई जानकारी दिए ।
अध्यक्ष न्यौपानेले आफ्नो पार्टी यतिखेर प्रधानमन्त्री केपी शर्मा ओलीको संसद् भंग गर्ने असंवैधानिक कदमविरुद्ध संघर्षरत रहेको भन्दै कर्णाली प्रदेशमा पनि सरकारविरुद्धको आन्दोलनलाई सशक्त बनाइँदै लगेको बताए । अध्यक्ष न्यौपानेले कर्णाली प्रदेशमा जसपाको संगठन विस्तार पनि अगाडि बढेको जानकारी दिए । कर्णालीका १० जिल्ला मध्ये माघसम्म ५ जिल्लामा र फागनसम्म ५ जिल्लामा समायोजनसहितको संगठन विस्तार अगाडि बढाइने कार्यक्रम रहेको उनले बताए ।
कर्णालीका जनता ठूला भनिएका कम्युनिष्ट र कांग्रेसको हेपाहा प्रवृत्तिबाट प्रताढीत रहेको भन्दै अध्यक्ष न्यौपानेले कर्णाली प्रदेशको पर्यटन, विकास निर्माण र जडीबुटीको संरक्षण संवद्र्धनलाई आफ्नो पार्टीले उच्च प्राथमिकतामा राखेको बताए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies