काठमाडौँ : जम्मू-कश्मीरको पाहलगममा भएको आतङ्ककारी हमलामा मारिएका नेपाली युवा सुदीप न्यौपानेको शव परिवारलाई हस्तान्तरण गरिएको छ ।
सुनौलीमा बिहीबार बिहान भारतीय पक्षले रुपन्देही प्रशासन कार्यालय रुपन्देहीको रोहबरमा सुदीपको शव परिवारलाई जिम्मा लगाएको हो ।
मंगलबार कश्मीरमा आतंककारीहरूको आक्रमणमा परेर २७ वर्षीय सुदीपको ज्यान गएको थियो । उनी केही दिनअघि आमा, दिदी र भिनाजुसँग भारतको पारिवारिक भ्रमणमा गएका थिए ।
सुदीप वुटवल–११, कालिकानगर रुपन्देही निवासी हुन् । सो आतङ्ककारी हमालाको नेपाल सरकारले कडा शब्दमा निन्दा र भत्र्सना गरेको छ ।
सुदीपको साथमा रहेका आफन्तहरू रिमकला पाण्डे, युवराज काफ्ले, सुषमा न्यौपाने र अर्का एक नेपाली हरिप्रसाद सापकोटालाई पनि नेपाल ल्याइएको छ । आक्रमणमा परेर रिमकला घाइते छिन् ।
