काठमाडौं : श्रम, रोजगार तथा सामाजिक सुरक्षा मन्त्रालयले प्रशासनिक सुगमता अनुसार श्रम तथा रोजगार कार्यालयहरुको कार्य क्षेत्र परिवर्तन गरेको छ । मन्त्रालयले गरेको निर्णय पुस ५ गतेको नेपाल राजपत्रमार्फत सार्वजनिक गरिएको छ ।
श्रम तथा रोजगार कार्यालय भद्रपुर अन्तर्गत ताप्लेजुङ, पाँचथर, ईलाम र झापा मात्र राखिएको छ । यसअघि उक्त कार्यालय अन्तर्गत रहेका तेह्रथुम र धनुकटालाई श्रम तथा रोजगार कार्यालय विराटनगर मोरङमा कायम गरिएको छ । उक्त कार्यालयमा ती दुई जिल्लासहित सोलुखुम्बु, ओखलढुंगा, खोटाङ, उदयपुर, भोजपुर, संखुवासभा, सुनसरी, मोरङ गरी दश जिल्ला कायम गरिएको छ । त्यसैगरी श्रम तथा रोजगार कार्यालयको हेटौडाबाट दोलखा जिल्लालाई हटाएर मकवानपुर, चितवन, धादिङ, रामेछाप र सिन्धुली गरी पाँच जिल्ला कायम गरिएको छ ।
श्रम रोजगार कार्यालयबाट हटाइएको दोलखालाई श्रम रोजगार कार्यालय टेकु काठमाडौंमा गाभिएको छ । श्रम रोजगार कार्यालय टेकुमा दोलखासहित काठमाडौं, ललितपुर, भक्तपुर, सिन्धुपाल्चोक, नुवाकोट र रसुवा गरी ८ जिल्ला रहेका छन् । यी कार्यालयहरुले आन्तरिक श्रमको अतिरिक्त वैदेशिक रोजगारको पुनः श्रम स्विकृति दिने कार्य र म्यानपावर कम्पनीहरुको शाखा कार्यालयको अनुगमन तथा निरीक्षण गर्ने कार्य गर्दै आएका छन् । मन्त्रालयले गत वर्षदेखि वैदेशिक रोजगारमा जानेहरुका लागि पुनः श्रम स्वीकृति प्रदेशस्तरीय कार्यालयहरुबाट प्रदान गर्ने कार्य शुरु गरेको हो ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies