काठमाडौं : सरकारले नेपाल प्रहरीको महानिरीक्षकमा चन्द्रकुवेर खापुङलाई नियुक्त गर्ने निर्णय गरेको छ । शुक्रबार बसेको मन्त्रिपरिषद् बैठकले खापुङलाई ३२औं प्रहरी महानिरीक्षकमा नियुक्त गर्ने निर्णय गरेको हो ।
मन्त्रिपरिषद्ले १९ गतेदेखि लागू हुने गरी उनलाई महानिरीक्षक नियुक्त गरेको हो ।
तेह्रथुममा जन्मिएका खापुङ २०५२ सालमा नेपाल प्रहरीको सेवामा प्रवेश गरेका थिए । खापुङ हाल एआइजीको रूपमा केन्द्रीय अनुसन्धान ब्युरो (सिआइबी)को प्रमुख हुन् ।
हालका प्रहरी महानिरीक्षक दीपक थापा भदौ १८ गते राति १२ बजेदेखि अवकाशमा जाँदैछन् ।
.jpg)
