रियाद : गैरआवासीय नेपाली संघ, राष्ट्रिय समन्वय परिषद् (एनसीसी) साउदी अरबले २०२५–२०२७ कार्यकालका लागि नयाँ पदाधिकारी चयन गरेको छ ।
अध्यक्ष उमेश भट्टराईको अध्यक्षतामा हालै सम्पन्न दोस्रो पूर्ण बैठकले सल्लाहकार मण्डलमा रबिना अर्याल, रोशन कुमार श्रेष्ठ, राजकुमार श्रेष्ठ, राम राधा घिमिरे र अमर सापकोटा; संरक्षक मण्डलमा ओम घले, विमल गौतम, तेजबहादुर थापा, रामबहादुर छेत्री र लालबहादुर मगर; अनुशासन समितिमा विशाल कुमार श्रेष्ठ (संयोजक), कुमार कार्की, भक्त हमाल, खेमराज भट्ट र नर बहादुर खतिवडा; लेखा समितिमा हेम सुबेदी (संयोजक), दिनेश न्यौपाने र अरुण कुमार शाहलाई चयन गरेको छ ।
त्यस्तै, लेबर टास्क फोर्स समितिमा विष्णुप्रसाद भण्डारी (संयोजक), धनकुमार लामा (पूर्वी), विनोद खड्का (अल–कासिम), बुद्धि प्रसाद बास्तोला (ताबुक), जितेन्द्र थपलिया (रियाद), शंकर पौडेल (जिजान) र डीपी अर्याल (जेद्धा) रहेका छन् । खेलकुद समितिको संयोजकमा राज गिरी, परोपकार समितिको संयोजकमा मनिष कोइराला, संगठन विस्तार समितिको संयोजकमा अर्जुन थापा र सूचना तथा संचार समितिको संयोजकमा धुर्व राज कटुवाल रहेका छन् । साथै केन्द्रीय सदस्यमा ओम प्रसाद फुयाँल, होमराज बास्तोला र महिला सदस्यमा रेणु श्रेष्ठ मनोनित भएका छन् ।
एनआरएनए साउदी अरबको नयाँ नेतृत्व चयनसँगै साउदीमा रहेका नेपाली श्रमिकका समस्या समाधान, अधिकार सुनिश्चितता र आवश्यक सहयोगमा प्रभावकारी भूमिका खेल्ने विश्वास व्यक्त गरिएको छ ।
