एजेन्सी : स्पेनिस फुटबल क्लब बार्सिलोनाले प्रशिक्षक रोनाल्ड कोम्यानलाई बर्खास्त गरेको छ । ला लिगाको खेलमा गएराती रायो भालेकानोले बार्सिलोनालालाई हराएसँगै प्रशिक्षक कोम्यान बर्खास्तीमा परेका हुन् ।
भालेकानो विरुद्धको खेलमा बार्सिलोना एक शुन्यले पराजित भएको थियो । भालेकानोको जितमा राडमेल फाल्काओले निर्णायक गोल गरे ।
कोम्यान विगत चौध महिनादेखि बार्सिलोनाका प्रशिक्षक थिए । लगातार खराब प्रदर्शन गरेपछि क्लब व्यवस्थापनले प्रशिक्षक कोम्यानलाई हटाएको हो ।
मेस्सीले क्लब छाडेपछि यो सिजनको सुरुदेखि नैं बार्सिलोनाले राम्रो खेल प्रदर्शन गर्न सकेको छैन ।
जारी लिगका दश खेलबाट उसले १५ अंक मात्रै जोडेको छ । लिग तालिकामा बार्सिलोना अहिले नवौं स्थानमा रहेको छ । लालिगाकै अर्को खेलमा रियाल मड्रिडले ओसासुनासँग गोलरहित बराबरी खेलेको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies