काठमाडौँ : जेन जेड आन्दोलन दोस्रो दिन उग्र बन्दै गएपछि प्रदर्शनकारीहरूले राजनीतिक दलका शीर्ष नेताहरूको निवासलाई लक्षित गरी आगजनी र ढुंगामुढा गरेका छन् ।
निवर्तमान गृहमन्त्री रमेश लेखकको नैकावस्थित घरमा प्रदर्शनकारीहरूले आगजनी गरेका छन् । त्यस्तै, नेकपा एमालेका सचिव रघुवीर महासेठको जनकपुरधाम उपमहानगरपालिका–९ भरमपुरीस्थित घरमाथि ढुंगामुढा भएको छ ।
यसअघि काठमाडौँको खुमलटारस्थित माओवादी केन्द्र अध्यक्ष पुष्पकमल दाहाल ‘प्रचण्ड’को निवासमा पनि प्रदर्शनकारीहरूले ढुंगामुढा गरेका थिए ।
नेताहरूको निजी निवासदेखि सरकारी कार्यालयसम्म प्रदर्शनकारीले आक्रमण थालेपछि आन्दोलन थप आक्रामक रूप लिएको छ ।
