-आनन्द छेत्री, सिक्किम
१.
पोतिएको काजल छ, अनुहारमा कुनै रंग छैन
बलात्कार पछि साहेब ! छोरीको कुनै उमंग छैन ।
घटिरहन्छ दिनहुँ पटक–पटक यस्ता घटनाहरू
बेखबर छन् भनौँदा सरकारमा कुनै ढंग छैन ।।
२.
छन् आफन्तहरू आफ्नोपन छैन
भरोसाको लायक दह्रिलो मन छैन
बदलिँदो दुनिँया रहेछ, सम्बन्ध पनि
हुनेखानेको मिठो बोली बचन छैन ।
३.
के नै रहेन छ बराबर राख्नु होला
जीवनभरलाई अग्रसर राख्नु होला
दौड़धुप न हो आखिरलाई जिन्दगी
उँचाई छुन सक्ने रहर राख्नु होला ।
४.
याद होला नहोला मलाई भने अत्याइरहन्छ
कुनैपल नहोला सम्झनाले मुटु चस्काइरहन्छ
तिमीसित बिताएको पल भुल्न कहाँ सकुँला
बनेर मुस्कान झझल्कोले सँधै तड्पाइरहन्छ ।
५.
भत्किन्छ टाल्नु पर्ने हुन्छ जिन्दगी
सक्दो सम्हाल्नु पर्ने हुन्छ जिन्दगी
आइपर्न सक्छ बिघ्नबाधा चुनौतीहरू
समय संगै गाल्नु पर्ने हुन्छ जिन्दगी ।
