काठमाडौँ : अफगानी सेनाले छिमेकी देश इरानमा अवैध रूपमा प्रवेश गर्ने प्रयास गरेको आरोपमा इरानसँगको सिमानामा २०२ जनालाई पक्राउ गरेको छ ।
पक्राउ परेका व्यक्तिहरूलाई गत हप्तामा पश्चिमी हेरात प्रान्तको घोरियन जिल्लाबाट हिरासतमा लिइएको विज्ञप्तिमा जनाइएको छ । यद्यपि सयौँ अफगान शरणार्थीहरू इरानबाट दैनिक आफ्नो मातृभूमि अफगानिस्तान फर्कन्छन्, धेरै अफगानहरू आफ्नो युद्ध पछिको देशमा गरिबी र बेरोजगारीबाट बच्न हरेक दिन अवैध रूपमा इरान जान्छन् ।
अफगान सरकारले मानव बेचबिखन र छिमेकी देशहरूमा अवैध पारगमन रोक्ने वाचा सहित सिमा नाकाहरूमा कडाई गरेको छ ।
.jpg)
