काठमाडौं : नेकपा (एमाले) को आसन्न ११औं राष्ट्रिय महाधिवेशनका लागि प्रतिनिधिहरूको अन्तिम टुंगो लागेको पार्टीको महाधिवेशन प्रतिनिधि व्यवस्थापन समितिले जनाएको छ ।
प्रतिनिधि व्यवस्थापन समितिको आजको बैठकले महाधिवेशनमा निर्वाचित, विशेष क्षेत्र र पदेन गरी दुई हजार १ सय ५४ प्रतिनिधि रहनेगरी टुंग्याएको समितिका संयोजक काशीनाथ अधिकारीले जानकारी दिए ।
उनका अनुसार पार्टीको केन्द्रीय सल्लाहाकार परिषद्का ३ सय ९ जना सदस्यको पनि महाधिवेशनमा सहभागिता रहनेछ । उक्त संख्यासहित दुई हजार ४ सय ६३ जना महाधिवेशनको हलमा रहनेछन् ।
समितिले प्रतिनिधिहरूको परिचयपत्र (कार्ड) छपाइको कार्य सुरु गरिसकेको जनाएको छ ।
.jpg)
.jpg)
.jpg)
.jpg)
.gif)
.webp)
