काठमाडौं : नेकपा (एमाले) अध्यक्ष केपी शर्मा ओलीले नेपाली कांग्रेस सभापति शेरबहादुर देउवासँग अर्थपूर्ण र गम्भीर छलफल भएको बताएका छन् ।
बिहीबार सम्पादकहरूसँगको अन्तरक्रियामा उनले मंसिर १९ गते महाराजगन्जस्थित देउवा निवासमा भएको भेटमा देशको वर्तमान राजनीतिक स्थिति, सरकारको अवस्था र सम्भावित समाधानका मुद्दामा कुराकानी भएको बताए ।
उनले भने, ‘दुई प्रमुख दलका नेताले देशबारे कुरा नगरेको हुन्न । यो सरकार कसरी टिकाइएको छ भन्ने विषय पनि उठ्छ । अर्थपूर्ण छलफल भयो, परिणाम भोलि देखिन्छ ।’
उनका अनुसार छलफलमा समसामयिक चुनौती र समाधानका उपायबारे पनि विचार–विमर्श भएको थियो ।
.jpg)
.png)
