काठमाडौं : नेकपा (एमाले)को ११औं महाधिवेशनमा १६ दललाई निम्तो दिइएको छ । बिहीबार केन्द्रीय कार्यायल च्यासलमा बसेको महाधिवेशन मूल व्यवस्थापन सचिवालय बैठकले दलका प्रतिनिधिहरूलाई उपस्थितिका लागि निम्तो दिएको जनाएको छ ।
नेता महेश बर्तौलाका अनुसार दलहरूका प्रतिनिधिलाई उपस्थितिका लागि निम्तो दिइएको हो । उनले विदेशी राजनीतिक दलहरूलाई भने आमन्त्रण नगरिएको बताए ।
एमाले महाधिवेशन मंसिर २७ गतेबाट २९ सम्म काठमाडौंमा हुँदैछ । महाधिवेशन जनपरिचालनलाई विशेष प्राथमिकता दिएको नेता बर्तौलाले बताए । हजारौंको संख्यामा नेता–कार्यकर्ता महाधिवेशनका लागि काठमाडौं आउनेक्रम जारी छ ।
महाधिवेशनमा १ सय ८ जना मनोनितसहित २ हजार २ सय ६८ कुल प्रतिनिधि रहने बताइएको छ ।
.jpg)
.png)
