बझाङ : सबै जना गौरा पर्व हेर्नमा मस्त थिए, तर त्यहाँ एकजना भने विद्यालय पोशाकमा गौरा हेर्न आएका बालबालिका खोज्नमा ब्यस्त देखिन्थे । उनले हातमा कपडाको पोको बोकेर बालबालिकालाई खोज्दै थिए । यो सबै सुन्दा एउटा कहानी जस्तैः लाग्छ, तर यो यथार्थ हो ।
यो विषयबस्तु हो, बझाङको बित्थचिर गाउँपालिका –४ को । बित्थडचिर गाउँपालिका– ४ मल्ला भतडामा अवस्थित कालिका भगवती मन्दिरमा मंगलबार गौरा पर्वको बिसर्जन गरिएको छ ।
सोही दिन गौरा पर्व हेर्न विद्यालय पोशाकमा आएका बालकालिहरुलाई स्थानीय कृषि व्यवसायी प्रदिप बहादुर बोहराले कपडा वितरण गरेका छन् ।
आर्थिक अवस्था कमजोर भएर विद्यालय पोशाकमै गौरा पर्व हेर्न आएकाहरूलाई सक्दो सहयोग स्वरुप कपडा वितरण गरिएको बोहराले बताए ।
उनले आफू पनि सानो छँदा मेला महोत्सवमा जान खुब रहर लाग्ने तर अन्य लुगाफाटो नहुँदा विद्यालय पोशाक जाने गरेको समेत बताए । बोहराले विद्यालय पोशाकमा गौरा हेर्न आएका ६ जना बालबालिकालाई एक/एक जोर कपडा वितरण गरेका हुन् ।
