–विकेश श्रेष्ठ
राजनीतिले जब !
अराजनीतिमा रूप रङ्ग फेरिए पछि
अब त नेताहरूले
देश र जनताको उन्नतिको लागि
सत्ता केन्द्रित
राजनीति गर्न छोड्नु पर्छ कि ?
एक लोटी सत्ता कब्जाको सोच त्याग
मिलिजुली सत्ता चलाऊ, शासन गर !
वंशतन्त्र, परिवारवाद, दलीयवाद त्याग गर
देश लुटको कमाउ धन्दा बन्द गर–गराऊ !
राजनीतिलाई धन्दा नबनाऊ !
जनतालाई आफैं निर्भर बन्ने वातावरण बनाऊ !
हरेक कुरामा परनिर्भर नबनाऊ !
बाँकी जनता आफैले गर्छन्
किनकी,
जनता नै इतिहासको निर्माता हुन्
प्रजातन्त्र–लोकतन्त्र–गणतन्त्रको लागि
७० वर्ष तीन पुस्ता बिते !
अब उपलब्धि रक्षा वा उल्ट्याउने
राजनीतिले अब
राजनीतिक होइन,
अराजनीतिकले राजनीति गर्नेछन् !
अन्यथा,
जुनसुकै रूप र नामका राजनीतिविरुद्ध
विद्रोहले जन्मले लिनेछ !
र, अराजनीतिले
राजनीतिक विद्रोह गर्नेछन् !
